Rental Income Tax - የቤት ኪራይ ጠቅላላ ገቢን መወሰን

User Rating:  / 2
PoorBest 

 

የቤት ኪራይ ጠቅላላ ገቢን መወሰን

ጠቅላላ የኪራይ ገቢ ሲወሰን የሚከተሉትን ይጨምራል፡፡

 ሀ. ቤቱ ወይም  ግቢው ከነዕቃው የተከራየ እንደሆነ የዕቃው ወይም የመሣሪያው ኪራይ

 ለ. ተከራይ  ለአከራይ በጥሬ ገንዘብና በሌላ ዓይነት የሚከፈለው ሂሣብ/ገቢ፣

 ሐ.  ተከራዩ በአከራዩ ስምና ስለአከራዩም ሆኖ የሚከፍለው ሂሣብ፣

መ. ተከራዩ ከአከራዩ ጋር ባደረገው የኪራይ ውል መሠረት ለመ/ቤቱ ወይም ለቤቱ ማሻሻያ ወይም ማደሻ የሚያደርገው ወጪ።ማለትም

ቤቱ ወይም እቃው ግቢው ከነእቃው  የተከራየ እንደሆነ ፣የእቃው ወይም የመሳሪያው ኪራይ ከጠቅላላ ገቢ ጋር ይደመራል ፡፡

ተከራይ የተከራየውን ቤት መልሶ እንዲያከራይ የሚፈቅድ የቤት ባለቤት ተከራዩ ግብሩን ባይከፍል ስለእርሱ ሆኖ ግብሩን የመክፈል ሀላፊነት ይኖርበታል፡፡

ተከራይቶ በማከራየት የሚገኘው ገቢ የቤቱ ባለቤት ለሆነው አከራይ ከሚከፈለው የኪራይ ዋጋ የበለጠ ከሆነ ተከራይተው የሚያከራዩ ሰዎች ግብሩን የሚከፍሉት በሚያገኙት የገቢ ልዩነት ላይ ነው፡፡

በተጨማሪም ለኪራይ የሚሰሩ ቤቶች ተሰርተው እንዳለቁ ወይም ቤቱ እንደተከራየ ከሁለቱ በሚቀድመው ጊዜ የቤቱ ባለቤትና የህንፃው ተቋራጭ የቤቱ ግንባታ የተጠናቀቀ ወይም ቤቱ የተከራየ መሆኑን፣ ከቤት ኪራይ በሚገኝ ገቢ ላይ የሚፈለገውን ግብር መክፈል ያለበትን ሰው ስም፣ አድራሻና፣ የግብር ከፋይ መለያ ቁጥር ቤቱ ለሚገኝበት ቀበሌ አስተዳደር ማስታወቅ አለባቸው ፡፡ 

የቀበሌው አስተዳደርም በራሱ ክትትል ወይም ከዚህ በላይ በተገለፀው መሰረት የሚያገኘውን መረጃ ለሚመለከተው የግብር ባለስልጣን በወቅቱ የማስተላለፍ ግዴታ አለበት፡፡  

ከዚህ የገቢ ምንጭ ገቢውን የሚያገኝ ማንኛውም ሰው/ድርጅት/  በግብር ከፋዩ ደረጃ ላይ ተመስርቶ ከበጀት /ከሂሳብ/ ዓመቱ መጨረሻ ቀን ጀምሮ መለትም ከሐምሌ 1 ጀምሮ በግብር ህጉ በተወሰነ ጊዜ ውስጥ  ግብሩን መክፈል አለበት፡፡

በዚህም መሰረት ፡-

· የደረጃ ሀ ግብር ከፋዮች እስከ ጥቅምት  30 ቀን ድረስ ገቢያቸውን በማስታወቅ ግብራቸውን በአራት ወራት ጊዜ ውስጥ፣

· የደረጃ ለ ግብር ከፋዮች እስከ ነሀሴ ወር መጨረሻ ድረስ ባሉት  ሁለት ወራት ጊዜ ውስጥ ገቢያቸውን በማስታወቅ ግብራቸውን መክፈል፣

· የደረጃ ሐ ግብር ከፋዮች እስከ ከሀምሌ 1 እስከ ሀምሌ 30 ቀን በአንድ ወር ጊዜ ውስጥ ለግብር አስገቢው መስሪያ ቤት የሚፈለግባቸውን ግብር በወቅቱ መክፈል አለባቸው፡፡

 

 የሂሳብ መዝገብ እንዲይዙ በህግ የሚገደዱት የደረጃ ሀ እና የደረጃ ለ ግብር ከፋዮች  የሂሳብ መዝገብ ከላቀረቡ ለአከራዩ ወይም ለተከራይ አከራዩ የሚከፈለው የኪራይ ሂሳብ ከአንድ አመት ለሚበልጥ ጊዜ ከሆነ በገቢው ላይ የሚከፈለው ግብር የሚሰላው የተገኘው ገቢ ለሚሸፍናቸው ዓመታት በትክክል በመደልደል እና ግብሩን በማስላት ሆኖ የሚፈለገው የግብር መጠን ግን ለግብር ከፋዮች ክፍያ በተፈፀመላቸው የበጀት አመት በአንድ ጊዜ ተጠቃሎ እንዲከፈል በማድረግ ይሰበሰባል፡፡

ከቤት ኪራይ ገቢ ላይ የሚከፈለው ግብር የሚከፈልበት ገቢ /የተጣራ ትርፍ/ በሚሰላበት ጊዜ የሚከተሉትን ወጪዎች ከጠቅላላ ገቢው ላይ ተቀናሽ ይደረጋሉ፡፡

· ከገቢ ግብር ክፍያ በስተቀር ከተከራየው ቤት ጋር በተያያዘ የተከፈለ የመሬት ግብር እና የህንጻ ታክስ /ሊዝን ጨምሮ/፣

· የሂሳብ መዝገብ ለማይዙ ግብር ከፋዮች ለቤት ፣ለዕቃና ለመሳሪያ ማደሻ ፣መጠገኛና ለእርጅና መተኪያ የሚሆን ከጠቅላላ የኪራይ ገቢ ላይ 1/5 ኛው ወይም 20 ፐርሰንት ይቀነስላቸዋል፡፡

· የሂሳብ መዝገብ ለሚይዙ ግብር ከፋዮች ወጪዎቹን በማስረጃነት ማረጋገጥ እስከተቻለ ድረስ የተቀመጡ ገደቦች እንደ ተጠበቁ ሆነው  የኪራዩን ገቢ ለማግኘት ለኪራዩ ንግድ ስራ ዋስትና ለመስጠት እና የስራ እንቅስቃሴውን ለማስቀጠል የተደረጉ ወጪዎችን ተቀናሽ ይደረጋሉ፡፡

 

· ተቀናሽ የሚደረጉ ወጪዎች በእነዚህ ሳይወሰኑ ለመሬት ሊዝ/ኪራይ/፣ ለቤቶች፣ለቤት እቃና ለመሳሪያ ማደሻ ፣ለመጠገኛና ለእርጅና መተኪያ እንዲሁም ለባንክ ወለድ ፣የኢንሹራንስ አረቦን፣የሚሆነውን ወጪ በሚይዙት መዝገብ መሰረት ተቀናሽ ይደረጋሉ፡፡

· የደረጃ ሀ እና ለ ግብር ከፋዮች ከሚሰሩት የንግድ ሥራ በተጨማሪ ሕንፃ /ቤት/ ሠርተው በማከራየት ገቢ የሚያገኙ ከሆነ በማከራት ለሚያገኙት ገቢ የተለየ የሂሳብ መዝገብ በመያዝ ገቢያቸውን በግብር ህጉ በተሰጣቸው የጊዜ ገደብ ለግብር ባለሥልጣን በማስታወቅ ግብራቸውን መክፈል አለባቸው፡፡

Sunday the 5th. . Design © Top poker sites - All rights reserved.